02.Dalili juu ya Uwajibu wa Tawhiidul-Ulūhiyyah


1. Qur’an imejenga hoja kupitia Tawhiidil-Rubūbiyyah na Al-Asmāi Wasswifāt juu ya Tawhiidil-Ulūhiyyah (Tawhiidul-‘Ibādah), katika kauli yake Allāh Mtukufu:

يَا أَيُّهَا النَّاسُ اعْبُدُوا رَبَّكُمُ الَّذِي خَلَقَكُمْ وَالَّذِينَ مِن قَبْلِكُمْ لَعَلَّكُمْ تَتَّقُونَ (21) الَّذِي جَعَلَ لَكُمُ الْأَرْضَ فِرَاشًا وَالسَّمَاءَ بِنَاءً وَأَنزَلَ مِنَ السَّمَاءِ مَاءً فَأَخْرَجَ بِهِ مِنَ الثَّمَرَاتِ رِزْقًا لَّكُمْ ۖ فَلَا تَجْعَلُوا لِلَّهِ أَندَادًا وَأَنتُمْ تَعْلَمُون(22) . البقرة.

” Enyi watu (na Majini!), muabuduni Mola wenu ambaye amekuumbeni na wale walipita kabla yenu ili mpate kumcha.

Aliyekujaalieni ardhi kuwa ni tandikwa na mbingu kuwa ni dari na akateremsha kutoka mawinguni maji akatoa kwa maji hayo matunda mbali mbali yawe ni riziki kwenu hivyo msimjaalie Allāh  washirika ilhali mnajua” Baqarah (21-22).

Na amesema Allāh  Mtukufu:

قُلْ مَن يَرْزُقُكُم مِّنَ السَّمَاءِ وَالْأَرْضِ أَمَّن يَمْلِكُ السَّمْعَ وَالْأَبْصَارَ وَمَن يُخْرِجُ الْحَيَّ مِنَ الْمَيِّتِ وَيُخْرِجُ الْمَيِّتَ مِنَ الْحَيِّ وَمَن يُدَبِّرُ الْأَمْرَ ۚ فَسَيَقُولُونَ اللَّهُ ۚ فَقُلْ أَفَلَا تَتَّقُونَ (31) فَذَٰلِكُمُ اللَّهُ رَبُّكُمُ الْحَقُّ ۖ فَمَاذَا بَعْدَ الْحَقِّ إِلَّا الضَّلَالُ ۖ فَأَنَّىٰ تُصْرَفُون(32) يونس.

“Sema! Ni nani anayekuruzukuni kutoka mbinguni na ardhini, au ni nani anayemiliki usikivu na uoni, na ni nani anayetoa kiumbe  hai kutokana na kiumbe kifu, na akatoa kiumbe kifu kutokana na kiumbe hai, na ni nani anayeendesha mambo? Watasema ni Allāh. Basi sema! Kwa nini msimche?

Huyo ndiye Allāh  Mola wenu wa haki. Kuna nini Baada ya haki zaidi ya upotevu wapi mnaelekezwa?” Yunus (31-32).

Na amesema Allāh Mtukufu:

وَلَئِن سَأَلْتَهُم مَّنْ خَلَقَ السَّمَاوَاتِ وَالْأَرْضَ لَيَقُولُنَّ اللَّهُ ۚ قُلْ أَفَرَأَيْتُم مَّا تَدْعُونَ مِن دُونِ اللَّهِ إِنْ أَرَادَنِيَ اللَّهُ بِضُرٍّ هَلْ هُنَّ كَاشِفَاتُ ضُرِّهِ أَوْ أَرَادَنِي بِرَحْمَةٍ هَلْ هُنَّ مُمْسِكَاتُ رَحْمَتِهِ ۚ قُلْ حَسْبِيَ اللَّهُ ۖ عَلَيْهِ يَتَوَكَّلُ الْمُتَوَكِّلُون (38) الزمر

“Na kama utawauliza ni nani aliyeumba mbingu na ardhi? Watasema kwa hakika ni Allāh. Sema: hebu nipeni khabari ya vile mnavyoviabudia kinyume na Allāh kama atanitaka Allāh  kwa dhara lolote je wataweza kuniondoshea  dhara lake hilo? Au akanitaka kwa lenye rehema je, wataweza kuizuia rehema  yake? Sema: ananitosha mimi Allāh, na kwake yeye wanategemea wenye kutegemea”.

Na nyinginezo katika zile ayah ambazo Qur’an hujenga hoja kwa Tawhiidil-Rubūbiyyah juu ya Tawhiidil-‘Ulūhiyyayh (Tawhiidil-Ibādah).

Muhusika: Muhammad bin Shāmiy Shaybah

Kiunganishi: http://duaatsalaftz.net/category/makala/kitaabu-tawhiidil-ibaadah/

Mtarjim: http://duaatsalaftz.net/

Marejeo: Kitabu Tawhiidil-Ibādah

Imehaririwa:  ‘6Jumaadal-Thāniy/1440H