85. Thawabu ya maneno ayasemayo atakayeshtuka usiku (kutoka usingizini)


ثواب ما يقول إذا استيقظ من الليل

عن عبادة بن الصامت رضي الله عنه، عن النبي صلى الله عليه وسلم قال: (( من تعار من الليل فقال: لا إله إلا الله وحده لا شريك له، له الملك وله الحمد، وهو على كل شيئ قدير، الحمد لله وسبحان الله ولا إله إلا الله والله أكبر ولا حول ولا قوة إلا بالله، ثم قال: اللهم! اغفر لي او دعا استجيب له، فإن توضأ وصلى قبلت صلاته)).

[صحيح: رواه البخاري: (١١٥٤)]

Imepokelewa kutoka kwa ‘Ubaadah bin Al-Swaamit (Allaah amridhie), kutoka kwa Mtume (swalla Llaahu ‘alayhi wasallam) amesema:
Yeyote atakayeamka usiku kutoka usingizini kwa sauti (ya dhikri au uchovu wa usingizi), kisha akasema:
Hapana Mola apasayekuabudiwa kwa haki isipokuwa Allaah mpweke hana mshirika, ufalme wa vyote ni wake yeye tu na himdi zote, na yeye juu ya kila kitu ni muweza.
Sifa zote njema zinamstahiki Allaah, na utakasifu ni wa Allaah, na hapana Mola apasayekuabudiwa kwa haki isipokuwa Allaah, na Allaah ni Mkubwa sana, hakuna hila wala nguvu ila ni kwa Allaah.
Kisha akasema;
Ewe Allaah! Nisamehe mimi.
Au akaomba dua (yoyote) isipokuwa atakubaliwa.
Na kama atachukua udhu na kuswali, basi swala yake itatakabaliwa”.

Sahihi: Ameipokea Bukhariy (1154).

عن ابن عباس رضي الله عنه قال: كان النبي صلى الله عليه وسلم إذا قام من الليل يتهجد قال: (( اللهم! ربنا لك الحمد، أنت قيم السموات والأرض ومن فيهن، ولك الحمد أنت نور السموات والأرض ومن فيهن، ولك الحمد أنت ملك السموات والأرض ومن فيهن، ولك الحمد أنت الحق، ومحمد صلى الله عليه وسلم حق، والساعة حق، اللهم! لك أسلمت، وبك آمنت، وعليك توكلت، وإليك أنبت، وبك خاصمت، وإليك حاكمت، فاغفر لي ما قدمت وما أخرت وما أسررت، وما أعلنت وما أنت أعلم به مني، أنت المقدم وأنت المؤخر، لا إله إلا أنت))

[صحيح: رواه البخاري (١١٢٠)، ومسلم (٧٩٦)]

Imepokelewa kutoka kwa Ibn ‘Abbas (Allaah amridhie), amesema:
Alikuwa Mtume (swalla Llaahu ‘alayhi wasallam) anaposimama wakati wa usiku kwaajili ya tahajjud husema:
Ewe Allaah! Ewe Mola wetu mlezi himdi zote ni zako wewe, wewe ndiye msimamizi (mlezi) wa mbingu (saba) na Ardhi na vilivyomo ndani yake.
Na himdi ni zako , wewe ndiye Nuru wa mbingu na Ardhi na vilivyomo.
Na himdi ni zako, wewe ndiye Mfalme wa mbingu na Ardhi na vilivyomo.
Na himdi ni zako, wewe ni Haki, na ahadi zako ni haki, na kauli zako ni haki, na makutano yako ni haki, na PEPO ni haki, na moto ni haki, na Manabiy ni haki, na Muhammad (swalla Llaahu ‘alayhi wasallam) ni haki, na kiyama ni haki.
Ewe Allaah! Kwako wewe nimejisalimisha , na nimekuamini, na juu yako nategemea, na kwako narejea (kwa toba), na kwaajili yako nahusumiana, na kwako nahukumiana, basi nisamehe niliyotanguliza na yajayo, na niliyoyafanya kwa siri na kwa dhahiri, na yale yote ambayo wewe unayajua zaidi kulikoni mimi, wewe ni wa kwanza na wewe ni wa mwisho, hapana Mola apasayekuabudiwa kwa haki isipokuwa wewe”.

Sahihi: Ameipokea Bukhariy (1120), na Muslim (769).

 

Muhusika: Shaykh Ikhtiyaar ‘Ubayd
Mtarjim: duaatsalaftz.net
Marejeo: miiraathun-Nabiyy Uk.27
Imehaririwa: 29’Rthaaniy/1439H