89. Thawabu za atakayeyasema maneno haya kabla ya kusimama kutoka kwenye kikao chake (alichokaa)


 

ثواب من قال هذه الكلمات قبل أن يقوم من مجلسه

عن جبير بن مطعم رضي الله عنه، قال: قال رسول الله صلى الله عليه وسلم: من قال: سبحان الله ، وبحمده ، سبحانك اللهم وبحمدك ، أشهد أن لا إله إلا أنت ، أستغفرك وأتوب إليك ، فقالها في مجلس ذكر كان كا الطابع يطبع عليه ، ومن قالها في مجلس لغو ، كانت كفارة له

[صحيح: رواه الطبراني في “الكبير” (١٥٨٦) ، والنسائي في “عمل اليوم والليلة” (٤٢٤) ، والحاكم ، وقال: صحيح على شرط مسلم.

قلت: إسناد الثلاثة كما قال. وصححه الألباني في ” صحيح الجامع” (٦١٩٢)]

Imepokelewa kutoka kwa Jubayr bin Mutw’im (Allaah amridhie) , amesema:

Amesema Mtume wa Allaah (swalla Llaahu ‘alayhi wasallam):

“Yeyote atakayesema:
Utakasifu ni wa Allaah na himdi ni zake yeye tu, umetakasika ewe Mola wangu na himdi ni zako, nashahadia kuwa hakuna Mola apasayekuabudiwa kwa haki isipokuwa wewe, naomba maghfira na narejea kwako.

Akayasema maneno hayo katika kikao cha dhikri alichokaa , yatakuwa maneno hayo kwake mithili ya muhuri aliopigwa nao (hayatambanduka na wala hayatapotea). Na atakayeyasema maneno hayo baada ya kikao cha upuuzi (alichokuwa amekaa) basi maneno hayo kwake yatakuwa ni kaffara (na kifutio)”.

Sahihi: Ameipokea Al-Imam Al-Twabaraaniy katika “Al-Kabiir” (1586) , na Al-Nasaaiy katika “amalil-yawm wallaylah” (424) , na Al-Haakim , na akasema: Isnadi ni sahihi , kwa sharti ya Muslim. Nimesema (Shaykh Ikhtiyaar): Isnad za watatu hao ni kama alivyosema (Al-Haakim). Na ameisahihisha Al-Albaaniy (Allaah amraham) , katika “Sahiihul-Jaami’u” (6192).
Tanbiih:

Baadhi ya watu hutumia ile hadithi ya Aliyy bin Abiy Twaalib (Allaah Amridhie) , aliyoitaja Al-Imam Abuu Nu’aym katika “Al-Hilyah” , kutoka kwa Mtume (swalla Llaahu ‘alayhi wasallam), kwamba eti amesema:

“من أحب أن يكتال بالمكيال الأوفى ، فليقل في آخر مجلسه أو حين يقوم:

((سُبْحَانَ رَبِّكَ رَبِّ الْعِزَّةِ عَمَّا يَصِفُونَ (180) وَسَلَامٌ عَلَى الْمُرْسَلِينَ(181) وَالْحَمْدُ لِلَّهِ رَبِّ الْعَالَمِينَ( الصافات: 182).

” Atakayependa kujipimia kwenye mizani yake (siku ya kiyama) ujazo mkubwa uliotimu, basi na aseme mwishoni mwa kikao chake (hicho alichokaa) au wakati wa kusimama kwake:

 سُبْحَانَ رَبِّكَ رَبِّ الْعِزَّةِ عَمَّا يَصِفُونَ (180) وَسَلَامٌ عَلَى الْمُرْسَلِينَ(181) وَالْحَمْدُ لِلَّهِ رَبِّ الْعَالَمِينَ

Hili halikuswihi kutoka kwa Mtume (swalla Llaahu ‘alayhi wasallam) , hivyo kilicho wajibu na kuachana na hili na kubaki katika uongofu aliokuja nao Mtume (swalla Llaahu ‘alayhi wasallam), kwani:

وخير الهدى هدى رسول الله صلى الله عليه وسلم

Bora ya Uongofu ni ule aliokujanao Mtume wa Allaah (swalla Llaahu ‘alayhi wasallam).

 

Muhusika: Shaykh Ikhtiyaar ‘Ubayd
Kiunganishi: http://duaatsalaftz.net/category/makala/miirathun-nabiyy/
Mtarjim: duaatsalaftz.net
Marejeo: miiraathun-Nabiyy Uk.28
Imehaririwa: 29’Rthaaniy/1439H