91. Thawabu kwa atakayemuomba Allaah msamaha na ‘aafiyah


 

 ثواب من سأل الله العفو والعافية

عن أبي بكر الصديق رضي الله عنه ، أنه قام على المنبر ثم بكى فقال: قام فينا رسول الله صلى الله عليه وسلم ، عام أول على المنبر ثم بكى فقال: (( سلوا الله العفو والعافية فإن أحدا لم يعط بعد اليقين خيرا من العافية))

[حسن: رواه الترمذي (٢٥٥٨) ، والنسائي في “عمل اليوم والليلة” (٧٧٩) ، وحسنه الألباني في “صحيح الترمذي” (٢٨١٢)]

Imepokelewa kutoka kwa Abuubakr Al-Swiddiq (Allaah amridhie) , kwamba hakika yeye alisimama juu ya mimbari akalia kwanza kisha akasema:

Alisimama kwetu sisi Mtume wa Allaah (swalla Llaahu ‘alayhi wasallam) mwaka wa kwanza ,akiwa juu ya mimbari kisha akalia (swala na salamu ziwe juu yake), kisha akasema:
“Muombeni Allaah msamaha na ‘aafiyah, kwani hakika hatopewa yeyote baada ya yakini jambo bora kuliko ‘aafiyah”.
Hasan: Ameipokea Al-Tirmidhiy (2558) , na Al-Nasaaiy katika “Amalil-Yawm wallaylah” (779) , na ameihasanisha Al-Imam Al-Albaaniy (Allaah amraham) katika “Sahiihut-Tirmidhiy” (2812).

◇ Faida:◇

قال مقيده- عفا الله عنه –

Pale ilipokuwa swiha na ‘aafiyah ni miongoni mwa Neema adhimu za Allaah juu ya waja wake, imekuwa ni jambo haki kabisa kwa mja aliyeruzukiwa Tawfiiq kuichunga Neema hiyo na kuihifadhi kutokana na yote yenye kuichengua na kukinzana nayo.
Na ndio maana alipokuja Al-Abbas bin Abdil-Muttwalib (Allaah amridhie) , kwa Mtume (swalla Llaahu ‘alayhi wasallam) akimuomba amfunze dua ambayo atakuwa akimuomba Allaah (subhaanah!), alimuamuru amuombe Allaah ‘aafiyah, akarudi tena siku ya pili, akamuomba tena Mtume (swalla Llaahu ‘alayhi wasallam) amfunze dua ya kuomba , Mtume (swalla Llaahu ‘alayhi wasallam) akarudia tena kumuamuru amuombe Allaah Al-‘Aafiyah.

Amesema Al-Mubaarkfuuriy (Allaah Amraham) , akiwa anaisherehesha Hadithi ya Al-‘Abbas katika Sunan Al-Tirmidhiy:

في أمره صلى الله عليه وسلم للعباس بالدعاء بالعافية بعد تكرير العباس سؤاله بأن يعلمه شيئا يسأل الله به. دليل جلي بأن الدعاء بالعافية لا يساويه شيئ من الأدعية ولا يقوم مقامه شيئ من الكلام الذي يدعى به ذوالجلال والإكرام” انتهى من تحفة الأحوذي

Na katika amri yake Mtume (swalla Llaahu ‘alayhi wasallam) kwa Al-‘Abbas (Allaah amridhie) , ya kumtaka aombe kwa Allaah Al-‘Aafiya, baada ya kukariri kwa Abbas ombi lake la kufunzwa maneno atakayomuomba Allaah kwayo.
Katika hili kuna dalili ya wazi (kabisa) kwamba dua ya kuomba ‘aafiyah haifanani na dua yoyote , na wala hayatosimama katika nafasi ya maneno hayo maneno mengine ambayo (waja) humuomba (Allaah) Dhul-Jalaal Wal-Ikraam kwayo
Na maana ya ‘Aafiyah ni kinga ya Allaah kwa mja. (Yaani kumkinga na kumhifadhi kutokana na maradhi na mabalaa).
Itoshe tu kuonesha umuhimu wa hili kuwa Mtume (swalla Llaahu ‘alayhi wasallam) alikuwa akimuomba Allaah ampe ‘aafiyah asubuhi na jioni , kama ilivyokuja katika adhkaar za asubuhi na jioni za kila siku kuwa alikuwa akisema:

“اللهم إني أسألك العفو والعافية في الدنيا والآخرة” الحديث

“Ewe Allaah! Hakika Mimi ninakuomba wewe msamaha (usamehevu) na ‘aafiyah duniani na akhera..”.

 

Muhusika: Shaykh Ikhtiyaar ‘Ubayd
Kiunganishi: http://duaatsalaftz.net/category/makala/miirathun-nabiyy/
Mtarjim: http://duaatsalaftz.net/
Marejeo: miiraathun-Nabiyy Uk.29
Imehaririwa: 2’J-Uwlaa/1439H